Денес во манастирот „Св. Ѓорѓи“ во Неготино се одржа традиционалниот Македонски ликовен хепенинг 2026 во организација на НУ Центар за култура „Ацо Ѓорчев“ – Неготино. Во прекрасниот манастирски амбиент, учесниците создадоа уметнички дела инспирирани од природата, традицијата и духовното наследство на овој крај. Ликовната колонија претставуваше можност за креативно изразување, дружење и афирмација на ликовната уметност. Проектот е поддржан од Министерството за култура и туризам на Република Македонија.