Во НУ Центар за култура „Ацо Ѓорчев“ се одбележа Светскиот ден на поезијата на еден посебен начин - преку креативна работилница „Поезијата живее меѓу нас“. Учениците од IX одделение од ООУ „Гоце Делчев“, заедно со наставничката Николинка Јакова и стручниот соработник при НУ Центар за култура, низ игра со зборови, асоцијации и визуелни инспирации ја откриваа магијата на поетскиот израз. Секоја слика, секој збор и секое чувство се претворија во кратки стихови полни со идеи и фантазија. Атмосферата беше топла, креативна и исполнета со љубов кон поезијата - потсетување дека поезијата навистина живее меѓу нас, во секојдневните моменти и во нашите мисли.